Mangin dako karun nga problema sang Lebanon ang suplay sang mga produkto kag pagkaon matapos ang pagsigabong sa ila pwerto sa diin kapin sa 135 na ang nagkalamatay kag linibo ang pilason.Ini ang ginpalayag sa DYHB sang OFW nga si Rona Escarda nga tumandok sang Brgy. West, banwa sang Candoni.
Suno kay Escarda, 80 porsyento sang mga produkto nga nagasulod sa Lebanon ang nagaagi sa pwerto sa Beirut gani dako ini karun nga problema sa nasambit nga pungsod.
Si Escarda ang nagatrabaho sa isa ka beauty clinic kag mga duha ka kilometros ang kalayuon sang ila ginatrabahuan sa blast site, apang nabatyagan man nila ang pagsigabong kag nahaklo ang baho sang ammonium nitrate sa nagsigabong nga bodega.
Ginkumpirmar sini nga may kilala man siya nga mga Filipino nga nakaangkun sang mga injuiries tuga sang pagsigabong. Tuig 2014 sang nagsugod trabaho sa Lebanon si Escarda.
Sa pihak nga bahin, ginpalayag sang Pinay OFW nga apektado man ang ila trabaho sang COVID-19 pandemic bangud ang Lebanon ang nagpatuman man sang 3 ka bulan nga lockdown sa diin wala sila sang sweldo kag food allowance lang ang ginhatag sa ila. Apang sumugod sang Hunyo, nakabalik naman sila sa trabaho.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
