General Santos City–Pagpaklaro ni Police Captain Samuel Bascon Jr. ang Deputy Station Commander sa Polomolok PNP nga kadtong suspek nga wanted sa Polomolok nga si Pedro Allan Ranes nga nadakpan sa bukidnon ang sumala pa niini mao ang gitudlo nga mastermind sa pagpatay sa kanhing deputy og Intelligence Officer sa Polomolok PNP nga PSI Hernan Gabat ug lain pang duha ka kauban niini niadtong milbay nga katuigan.
Sumala pa ni Bascon nga nakadawat ug impormasyon ang mga personahe sa Polomolok PNP nga sumala pa didto nagtago ang suspek hinungdan nga nakig coordinate sila sa CIDG Bukidnon ug uban pang mga operatiba aron imonitor kung didto ba gatago ang suspek ug malampuson nga nasikop ang nasampit.
Kahibaloan nga nasikop ang suspek sa Anecita Bade Street,Brgy.One, Malaybalay, Bukidnon pinaagi sa pagsilbi kaniya sa duha ka warrant of arrest sa kasong murder ug illegal drugs nga giisyu ni Judge Edwin Boncavil ug Judge Adelbert Santillan sa Polomolok.
Sa kasamtangan nagtingkagol sa Silda sa PMPS ang nasampit ug gipaabot na lamang ang commitment order gikan sa korte aron hingpit nang mabalhin sa Provincial Jail sa Koronadal City. (Reynald Timario)
