*General Santos City*—Dakpan sa buybust operasyon sa City Drug Enforcement Unit kon CDEU sa may Barangay Apopong ning dakbayan, ang usa ka suspek nga anaa sa street level wathclist sa kapulisan.
Sumala ka Police Senior Inspector Fernando Manuel Jr. ang labaw sa CDEU nga target sa maong operasyon mao ang usa ka Armand Tiangson alayas jun, 57 anyos.
Pamahayag niini nga milabayng tuig pa kining gimonitor sa Police Station 1 apan misibat matud pa sa Gensan ang suspek ug mibalik sa Polomolok aron makapadayon sa illegal nga aktibidad.
Dugang pamahayag ni PSI Manuel nga gawas sa buybust item ug buybust money, narekober usab sa posisyon kang Tiangson ang laing tulo ka mga medium size sachet nga shabu.
Sa karon, anaa na sa kustudiya sa lock up cell sa Police Station 2 ang suspek samtang ginahikay ang kasong paglapas sa section 5 ug 11 sa RA 9165.
