Sa interbyu sa DXDC RMN Davao kang Police Corporal Reynante Sumangil, imbestigador sa Carmen Municipal Police Station (MPS), ilaha na’ng ginasubay karon ang mga closed-circuit television (CCTV) sa mga establisemento sa lugar ug sa barangay nga makatabang sa pag-ila sa responsable sa insidente diin giingong tulo ka mga raider motorcycles ang matud pa nag-drag race sa maong dalan.
“Og naay witness, ma-identify nga mao gyud ‘to siya (ang suspek), file-an nato (og kaso). Makuan (maingnan) nato ang pamilya sa atong biktima nga i-file nila ang kaso, if ever nga ma-verify ug makuan (mailhan) ‘tong involved ato (nga incident),” saysay sa pulis.
Nasayran nga gikan pa og lamay sa Lasang, Davao City ang biktima uban ang iyang ig-agaw nga nag-drive sa motor, ayha nahitabo ang insidente diin ang biktima dead on arrival sa ospital.
Samtang, gisiguro sa Carmen MPS nga ilaha pang pakusgan ang pagbantay ug pag-monitor sa kadalanan sa ilang Area of Responsibility (AOR) ilabi na panahon sa kaadlawon,partikular na sa areas nga sagad ginareklamo tungod sa pagbaton og drag race.
RadyoMaN Kirby Manzon
