Suspek sa natabong pagpamuno sa Brgy. Vivo, Tangalan, nagsurender sa Makato PNP

Kalibo, Aklan — Nagsurender eon sa mga kapulisan rong suspek sa natabong pagpamuno sa Brgy. Vivo, Tangalan, Aklan ko Dominggo it gabii.
Ro suspek nga nakilaea kay Leonardo Basilio, 17-anyos ag residente it nasambit nga lugar.
Sa pakikipag angot kay PO3 Peryl Antaran it Tangalan PNP ag imbestigador it nasambit nga kaso nga una nga nagsurender dong suspek kay Punong Barangay Richard Taladro it Bagong Barrio, Makako ag dayon imaw nga gin turn-over sa Makato MPS.
Dayon man nga nagtawag rong Makato MPS sa Tangalan MPS ag gin turn-over ro suspek.
Kung matandaan nga dominggo it gabii tag binuno it suspek si Noly Trayco, 27-anyos nga gintunaan ko anang insigidang kamatyon.
Sa pagpangusisa man ni PO3 Antaran nakita sa birth certificate it biktima nga Basilio ro anang apelido ag 17-anyos pa eamang.
Nasayuran man nga nagtueod kana nga bun on rong biktima dahil tinueop kuno imaw rason nga ginkaakig man nana
Nagpanago man anay rong suspek sa may boundary it Bagong Barrio ag Brgy. Minaa bago mag adto kay Punong Barangay Taladro.
Sa makaron hay una eon sa paghinakop it Tangalan PNP si Basilio ag posible hin aga mapasakaan it kaso nga murder.