Kalibo, Aklan — Nakataeana nga iga-inquest makaron nga adlaw sa kasong Qualified Theft si Homer Zapico y Ramos alyas “Gido”, 26-anyos it Brgy. Cawayan, New Washington, Aklan.
Si Zapico hay suspek sa natabong panakawan sa baeay ni Mr. Apolonio Zaraspe III nga nahamtang sa J. Magno St. cor Acevedo St. Kalibo, Aklan.
Kung matandaan nga kahapon sa ginpatigayon nga imbestigasyon it Theft and Robbery section kung Kalibo PNP hay gin identify si Zapico nga imaw rong suspek matapos nga gin check ro mga CCTV footages, ginpahimo it re-enactment ag gin identify pa gid ko sambilog sa mga kabulig.
Sa panugiron ni Mr. Zaraspe rong sueod it anang sling bag hay ro ana nga service firearm nga calibre 45, dollars nga $4,200, cash nga more or less 130,000 pesos, naduea man ro anang daywa ka cellphone ag relo nga Rolex nga nagabalor it more or less 800,000 to 1 milyon pesos.
