General Santos City—Sikop ang usa ka Geovanie Delgado, 25, residenti sa Purok Tagumpay, Barangay Poblacion, Alabel, Sarangani Province kansa nag-atubang ug kasong homicide atol sa gihimong manhunt Charlie sa Alabel PNP alas 9:00 ang takna sa buntag naidtong nakalabayng adlaw.
Sa initial nga report sa Alabel PNP nasuta nga nakaabot sa ilang buhatan ang report nga matud pa anaa lang sa ilang panimalay ang presensya sa suspek maong gi-implementa gilayon ang arrest warrant sa kasong iyang giatubang.
Wala na hinuon mipalag ang 25 anyos nga suspek human nga gipresentar kaniya ang warrant of Arrest sa iyang kaso.
Sa karon ang suspek anaa na sa silda sa Alabel PNP samtang gihuwat nalang ang commitment order niini gikan sa korte. Hinuon posible kining temporaryong makagawas sa prisohan higayon nga kini makapyansa ug P120,000.00.
