Tinutugis pa rin ng mga awtoridad ang suspek sa pagpatay sa isang grade 7 student sa Calamba, Laguna.
Ayon kay Calamba City Police Chief, Police Lieutenant Colonel Jacinto Malinao – napag-alaman nila na nag-AWOL ang suspek na si Renan Estrope Valderama sa pinapasukan nitong security agency.
Tinangay nito ang isang kalibre-38 na baril.
Inaalam na kung ang slug na nakita sa biktimang si Mark Anthony Miranda, 15-anyos ay galing sa itinakas na baril.
Kinakausap na rin nila ang ilang kaklase ng biktima.
Samantala, naghahanda na ang Department of Education o DepEd para sa psychological intervention para matulungan ang mga estudyanteng na-trauma sa insidente.
Facebook Comments
