Taas nga lider sa NPA sa Agusan ug Surigao patay sa bakbakan

67
BREAKING: Ka Edroy napatay sa bakbakan sa militar sa Agusan del Norte
Napalgang patay ang Top NPA leader nga nag operate sa mga probinsya sa Agusan del Norte ug Surigao del Norte sa Tropa sa Militar sa Brgy Cuyago, Jabonga, Agusan del Norte niadtong hapon adlawng myerkules, September 21.
Kini resulta sa walay puas nga operasyon nga gihimo sa Tropa sa 29th Infantry Battalion ubos sa 901st Infantry Brigade, nakaplagan ang usa ka patayng lawas nga gibiyaan sa maong lugar, diin sa pagsuta pa nailhan kini nga si Rolando Rubilla “ka Edroy” Leyson Jr, 40 anyos, Secretary sa Guerilla Front 16 sa North Eastern Mindanao Regional Committee (NEMRC).
Matud pa ni brigadier General George Banzon ang Commanding Officer sa 901st Brigade nga ang kamatayon ni Leyson, resulta sa una na nahitabong engkwentro tali na sa 29IB batok sa Sub Regional Committee (SRC) Northland niadtong September 14, 2022.
Matud pa nga gisulayan pa pagbitbit sa mga kaubanan ang patayng lawas niini apan gibiyaan ra gihapon arun sa pag-ikyas gikan sa migukod nga Tropa sa Gobyerno.
Gidugang pa ni Banzon, nga si Leyson ang adunay daghanang mga warrant of arrest ug kapin 25 ka mga criminal cases nga pending sa korte sa mga krimen sama sa arson, attempted murder, murder, multiple attempted murders, kidnapping, ug serious illegal detention. Ug ang pagdumala Edroy mao ang katapusang gihuptang paglaum sa mga NPA u gang iyang kamatayon maoy gitoohang hingpit nga mupahagba sa grupo.
Giawhag karun ni Banzon ang asawa ni Edroy nga si Juanita Pableo Saavedra-Leyson alyas” ka Kikay”, nga usa usab ka dakung lider sa NPA nga mosurrender arun makabaton ug kalinaw ug mahatagan ug respito ug malubong ang bana niini.
Nasayran nga sa bulan sa septembre, ubay ubay na sa mga Top Leaders sa NPA ang na neutralize sa militar sama na lamang nila ni: Noel Alacre alyas “ka Megan” ug si Nonita Dolotera alyas “ka Akira” sa Surigao del Sur.
Ug si Badong “Reymund” Lipanda sa Agusan del Sur sa Caraga region. Samtang patay usab ang managtiayong si Vincent Isagani “John” Madlos ug si Angie “Edna” Salinas samtang si Raquel “Pons” Dahoyla ang nisurrender sa Bukidnon sa Northern Mindanao region.
Sa pamahayag ni , 4ID Commander MGen. Wilbur C. Mamawag iyang gidayeg ang tanang mga unit commanders sa 4th Infantry Division uban sa ilang mga tropa sa ilang madasigong pagpaningkamot sa pagproteher sa comunidad gikan sa maong grupo. Diin dakung tabang niini ang ELCAC arun magmadaugon ang gobyerno alang sa katawhang Pilipino.
Giawhag usab ni Mamawag ang tanan nga mga stakeholders labi na ang mga civilian, nga ipadayun ang kusganong pakigbatok sa mga nagsabwag ug kagubot sa katilingban arun hingpit na nga matapos ang pipila na ka mga dekadang problema sa insurhensiya sa atung nasud.
Facebook Comments