Sultan Kudarat—Dakpan sa gihimong operasyon sa kapulisan sa Bagumbayan, Sultan Kudarat ang usa ka Barangay Tanod nga adunay kasong Murder didto sa Makati City.
Giila ang suspek nga si Raymundo Liza alyas “Munding” residenti sa Purok Sambag, Barangay South Sepaka, Bagumbayan, Sultan Kudarat.
Nasikop ang nasampit pinasikad sa warrant of Arrest sa kasong murder gumikan batud pa sa pagpatay sa biktimang si John Edward Pascual ug minor de edad nga si Mark Angelo Diego niadtong tuig 2016 didto sa kauluhang manila.
Narekober gikan sa suspek ang usa ka Cal.45 nga armas, 6 ka bala, 2 ka magazine sa cal. 45 ug 27 ka mga bala sa cal. 38 nga pusil
Sa karon nakakustudiya na sa Bagumbayan PNP ang suspek ug ginahuwat pa ang desisyon sa Makati PNP kung ila bang kuhaon ang nasangpit nga suspetsado.
