General Santos City— Malampusong nadakpan sa kapulisan ang target sa search warrant operation sa Brgy. Apopong nga si Sarudin Mala Ali., hamtong ang pangidaron ug residente sa Madac, Compound, New Society, Brgy. Apopong ning dakbayan.
Sumala kang Police Superintendent Henry Biñas, Deputy City Director For Adminsitration nga mukabat sa 30 ka mga search warrant ang ilahang gi-serve.
Ang maong mga search warrant ang gilangkuban sa managlahing bayolasyon sama sa armas ug eksplosibo. Nakuha gikan sa panimalay sa suspek ang usa ka granada.
Dugang pamahayag ni Supt. Biñas nga tanang panimalay sulod sa maong compound ang gisulod sa kapulisan batok sa target.
Sa karon matud pa, ginasuta pa sa kapulisan kung lambigit sa sa ka grupo ang suspek o kung aduna kini koneksyon sa grupo sa mga Maute human makadawat ug impormasyon nga sa maong compound nagpuyo ang asawa ni Abu Dar nga bag-ong lider sa Maute nga si Nasifa Pundog.
Sa kasamtangan, ang suspek ang balhog na sa lock-up cell sa Makar Police Station ug gitakdang pasakaan ug kasong pagsupak sa R.A 9516.
