Tatlo na ka mga banwa sa rehiyon dose ang nagdeklarar sang state of calamity tungod sa natuga nga danyos sang dry spell base sa inisyal nga report nga ginsubmitir sang Department of Agriculture ukon DA 12 sa Office of the Civil Defense ukon OCD 12.
Suno kay OCD 12 Assistant Regional Director 12 Jerome Barangco ang mga banwa nga nagdeklarar sang state of calamity amo ang mga banwa sang Alamada, Pikit kag Aleosan sa North Cotabato.
Samtang, base sa datos 10 ka mga banwa sa probinsya sang North Cotabato kag isa ka banwa nga amo ang Esperanza sa Sultan Kudarat ang apektado sang dry spell nga nalakip sa ginpaggwa nga advisory sang Pagasa sang nagliligad nga binulan.
May-angot sini, nagalab-ot sa masobra 7, 742 ka mga mangunguma apektado kag yara sa P75.5 million naman ang natuga nga danyos sa pananom sa probinsya sang North Cotabato kag sa Sultan Kudarat yara naman sa 218 ka mga mangunguma ang apektado kag masobra sa P5.4million ang natuga nga danyos.
Ginpahayag man ni Sir Barangco nga may-yara na sang pauna nga ayuda nga nahatag ang local government unit kag subong man Department of Agriculture sa mga apektado sang dry spell.
