Kalibo, Aklan – Arestado rong tatlo ka mga miyembro it banda matapos nga maaktuhang naga hit-hit it marijuana ukon “INFLAGRANTE DELICTO” (CAUGHT IN THE ACT) samtang naga panikangon sa national highway kung Brgy. Pook, Kalibo kainang aga-aga.
Nakilaea rong tatlo kanday JOEMARIE PEREZ Y JAGUNAP, 32-anyos, native it Kirayan Norte, Miag-ao, Iloilo ag presente nga naga dayon sa Purok 2, C. Laserna St.,; KEVIN PANAGSAGAN y UMPAD, sa legal nga edad ag residente it Cubay Sur, Malay, Aklan ag KEVIN BELLO y BRILLANTES, 39-anyos ag residente it Lanutan, Miag-ao, Iloilo ag presente nga naga istar sa Brgy. Andago, Kalibo.
Sa report it Kalibo PNP nga nakabaton sanda it tawag halin kay SPO4 Reynaldo Macario nga si Kagawad Lud Pinos hay naga imporma nga may grupo it mga eaeaki nga gina alegar naga hit-hit it marijuana samtang nagapanikangon.
Insigida nga gin respondehan ko mga kapulisan ag gin aresto rong tatlo pinaagi sa warrantless arrest.
Narecover sa tatlo ro mga masunod: aluminium foil nga gin ubrang pipa nga may residue pa ginapatihan marijuana, medium size zip sealed plastic sachet nga may sueod nga ginapatihan uga nga dahon it marijuana, may tangkay ag may busoe pa, lighter, binalilin nga papel, cotton buds nga may residue man gihapon it ginapatihan marijuana.
Ro nasambit nga mga narecover nga drug items hay iga turn over sa Regional Crime Laboratory Office 6 para ipaidaeom sa laboratory examination samtang rong mga non drug related items gin tun over kay PO3 Hanzel Quinesio rong officer on case.
Rayang tatlo hay detained sa lock up cell it Kalibo PNP para sa nagakaigo nga pagpasaka it kaso.
