Security Plan it Aklan PPO para sa pyesta minatay, all set eon

9

Kalibo, Aklan — All set eon rong security plan it Aklan Police Provincial Office (APPO) para makaron nga adlaw sa pag selebrar it pyesta minatay.
Suno kay PO2 Jane Vega ro Public Information Officer it Aklan PPO nga activated eon ro tanan nga mga Assistance Center it 17 ka Municipal Police Stations sa Aklan kung siin naka duty sa nasambit nga Assistance Center kaibahan it mga pulis rong Mdrrmo, Volunteers, Tanod, ag mga individuals.
Gin umpisahan man eon nanda rong pagpanupod it mga flyers nga may mga tips, safety reminders ag mga dapat tandaan sa November 1 ag 2.
Sa gihapon ginadumilian rong pagdaea it baraha ag pagpatigayon it sugae sa mga sementeryo kung sa siin raya hay kaparte it anti illegal gambling campaign.
Ginabawae man ro pagdaea ag pag inum it mga makahililong nga ilimnon sa sementeryo para malikawan rong gulo ag istorbo sa mga igmanghod nga nagapangamuyo.
Ginabawae man ro pagdaea it mga speakers para nga malikawan man gihapon rong sangag ag pagka distorbo sa iba.
Ginpadumdom man ni Vega nga mag secure it mga emergency hotlines para kon may emerhensiya hay may matawagan eagi.
Kaman man sa mga commuters ag motorista nga sundon rong mga gina implementar nga traffic scheme para malikawan rong problema sa trapiko.
Gina pangayo man nana rong suporta ag kooperasyon it pumueoyong Aklanon para mapabilin rong katawhay sa nasambit nga selebrasyon.

Facebook Comments