Kalibo, Aklan — Arestado ro tatlo ka mga wanted persons kahapon matapos nga ginserbihan it warrant of arrest ko mga katapo it kapulisan.
Rayang tatlo hay nakilaea kanday Roy Rentillo, 40-anyos, residente it Sitio Libtong, Brgy. Estancia, Kalibo, Aklan, may kasong rape nga may criminal case # 4172, uwa it pyansa nga gintaeana rong korte para sa anang temporaryong kahilwayan.
Kamana man si Atanacito Aying, 55-anyos, residente it Brgy. El Progreso, Buruanga ag may kasong pagbayolar sa Art. 315, Par 2a of RPC nga may criminal case # 1401, 1402, 1403 ag 1404 ukon estafa nga may pyansang tig 40,000 pesos kada kaso.
Naaresto man si Johnny Lamingo, 39-anyos, native it Bago City, Negros Occidental ag presente nga naga istar sa Sitio Potol, Brgy. Sambiray, Malay, Aklan sa kasong Homicide nga may criminal case # RTC-275 nga ginpaguwa it Branch 62 sa Bago City.
P 40,000 pesos man rong gintaeana it korte nga pyansa para sa anang temporaryong kahilwayan.
Gin turn-over man sa tagsa-tagsa ka mga korteng natungdan ro nasambit nga mga akusado.
