BACOLOD CITY – Success in life comes when you simply refuse to give up, with goals so strong that obstacles, failure and loss, only act as motivation.
Ginakabig one truest example sa sini nga hurubaton ang isa ka college student nga nag-graduate sa kolehiyo sining karon lang sa pihak sang madamo nga obstacles ukon kabudlayan nga iya na experience bangud sang kapigaduhon.
Wala nadulaan sang pag-asa, nagtinguha, nag-sakripisyo tubtub makatapos sa pagtuon kag maka-saka sa stage to receive the fruit of all his labors ang iya diploma.
Aton kilalahon si REYMARK de ASIS.
Si Reymark ang natawo kag nagdaku sa banwa sang EB Magalona, Negros Occidental. Kamanghuran sa 6 ka mga kabataan nga ginalakipan sang 5 ka lalaki kag bugtong nga babayi.
Sa ila nga mag-ulutod, si Reymark gid lamang ang naka graduate sa college, ang iya 3 ka utod asta lang elementary samtang ang duha nakatapos sa high school, ini tanan bangud pigado ang ila pamilya.
Wala ginatago ni Reymark nga ang iya amay isa ka karga tapas sadto, si Rogelio, nga sang ulihi ini ang nangin koridor sang Small Town Lottery kag nakilala sa ila lugar bilang si Manong Dede.
Utang ni Reymark sa iya amay ang iya kadalag-an sa edukasyon bangud sang wala untat niya nga suporta kag pag-motivate sa anak nga mangin optimistic kag ang kapigaduhon indi dapat ikahuya.
Suno kay Reymark las 4 pa lamang sang aga bugtaw na ang iya amay kag magpaligo, suksok ang iya paborito nga puti nga t-shirt kag brown nga dilargo agud maghanda sa isa na naman ka panibag-o nga adlaw sa pagpataya.
Kape kag pila ka pandesal gid lamang ang pamahaw ni Tatay Rogelio antes ini nga maglakat bitbit ang ballpen kag papel.
Sa masami, iya gid ginatugon sa anak nga mag-eskwela sang maayo kag maswerte ini nga naka-uyat sang pad paper kag magsulod sa eskwelahan bangud siya, ang papel sa pataya gid lamang ang nauyatan.
Grade 2 gid lamang ang natapos sang amay ni Reymark bangud nga ang lolo kag lola niya mismo ang nagdesidir nga indi na pagpadayunon eskwela ang iya amay bangud pigado sila.
Apesar grade 2 lang ang natapos, ginapabugal ni Reymark nga indi ini makita sa personalidad sang iya amay nga may maayo nga batasan.
Tuig 2010 matapos sang iya graduation sa elementary, ila na-notisyahan nga nabudlayan mag ginhawa ang ila amay apang ini ang iya gid lamang ginatago-tago.
Apang sang ulihi, wala na naagwanta pa sang ila amay ang ginabatyag gani ginpalantaw ini sa doktor kag didto ila nahibaluan nga ini ang may bukol sa ilong nga amo ang nagasablag sa iya pag-ginhawa.
Apesar sang kapigaduhon, sa bulig sang himata kag kaabyanan, napa operahan ang ila amay kag nag-ayo.
But after 3 weeks didto na kag nagsugod ang ila kalbaryo sang pagbugtaw sang ila amay indi na ini makakita, nadula ang iya sense of sight.
Nagbalik sa ospital ang pamilya kag didto sila ginpabalo that something went wrong with the operation, may isa gali ka ugat nga konektado sa mata nga nadala sa pagkuha sang tumor rason nga nabulag ang iya amay.
Ila pa kuntani luyag kumprontahon ang doktor nga nag-opera sa ila amay apang ulihi na ang tanan, bangud nagkadto na ini sa luwas sang pungsod.
In as much nga luyag sang pamilya nga liwat ipaidalum sa operasyon ang ila amay, indi na luyag pa sang ila iloy nga mag-risgo kag isa pa, wala na sila sang kwarta para diri.
Nakatapos sang iya high school si Reymark pinaagi sa pagtinguha kag isa ka adlaw antes sang iya graduation, gintawag ini sang amay kag ginhambalan nga magtinguha gid agud nga makatapos sang college kag makabulig sa ila pamilya, ginsundan sang hugot nga paghakus sa iya sang iya amay.
Sa sini nga kahigayunan gin-pangako ni Reymark nga tapuson ang iya college agud mapabulong ang amay kag liwat ini nga maka kita kag mapatapos ang ila balay.
Matapos ang graduation, nagpangita-ngita sang eskwelahan si Reymark para sa posible nga masudlan apesar wala pa sang pat-ud kon paano ini matigayon.
It was on a Holy Wednesday sang isa sa upod ni Reymark sa youth organization ang nag-approach sa iya kag nagsiling nga may kilala ini nga taga-Bacolod nga nagapangita sang kabulig sa puluy-an kag ila pa buligan nga maka eskwela.
Apesar sang kasanagan sang amo nga balita, apang nag duha duha si Reymark bangud nga ini ang sa Bacolod, buot silingon mangin malayo siya sa iya pamilya ilabi na nga mangin malayo siya sa iya amay.
Apang sang ulihi, na realize ni Reymark nga it is God’s will kag oportunidad nga ginhatag sa iya gani nag lisensya si Reymark sa iya pamilya nga naka desisyon ini nga mag-trabaho sa isa ka panimalay para maka eskwela sa college.
Upod ang masami nga ginahinambal ni Reymark sa kaugalingon nga kaya ko ni, nagpadulong ini sa Bacolod dala ang determinasyon kag pag-ulikid sa pamilya.
Wala nautod ang komunikasyon ni Reymark sa iya pamilya sa EB Magalona bisan pa nga sa Bacolod na ini naga eskwela, masami siya nga nagatawag sa amay kag mabal-an lang nga yara sa maayo nga kahimtangan ang iya pamilya, enough na agud nga ini ang ma motivate kag ma inspire sa pagpadayon.
Gin-ako ni Reymark nga indi mahapos ang isa ka working student, pag balanse kag pag manage sang time bilang estudyante kag tiempo sa trabaho.
Nadugangan pa sang isa sadto ka adlaw nakabaton sang tawag si Reymark sa iya utod nga nagasiling, wala na ang ila amay, nagtaliwan na ini.
Tuman ang kasubo nga ginbatyag ni Reymark, halos natabunan ini sang kalibutan, nadulaan sang kapagsik kag pag-asa nga magpadayon pa sang iya paghimakas bangud wala na ang tawo nga rason para sa tanan niya nga pagtinguha.
Apang, ginpabakud gid lamang ni Reymark ang iya kaugalingon kag nagpadayon agud matuman ang iya ginpangako sa iya amat nga tapuson ang kolehiyo para sa iya pamilya. Sini nga Marso, nag –graduate si Reymark sa kurso nga Bachelor of Science in Office Administration sa Bacolod City College.
Matapos ang iya graduation, suksok ang iya toga kag bitbit ang iya diploma, nagpadulong si Reymark sa pantyon sang iya amay agud ihalad ang iya kadalag-an.
Wala man ginkalimtan ni Reymark nga magpasalamat sa Ginoo, sa iya pamilya kag kaabyanan nga nagsuporta sa iya kag ilabi sa tanan, hugot ang pagpasalamat ni Reymark sa pamilya Pisuena nga ang sa likod sa paghatag katumanan sa iya handum.
Indeed, a promise fulfilled, natuman nga pangako ni Reymark sa iya amay nga ano man nga challenges nga iya masumalang, indi ini dapat magkatalaw kag magpadayon lang.
Siling ni Reymark, don’t be afraid to fail, be afraid not to try.
