EL BUSINESS AND LICENSING OFFICER DEL CIUDAD SI BENJIE BARREDO YA HABLA QUE ESTE AñO AY TENE YA LE MAGA BUSINESS INSPECTOR QUIEN ANDA BARANGAY-POR-BARANGAY PARA CHECQUIA QUIEN MAGA NEGOCIANTE TA MAN NEGOCIO SIN PROPIO PERMISO DESDE NA SU OPESINA. ASEGUN CON BARREDO ELE MISMO YA PIDI CON EL ALCALDE JOHN DALIPE PARA DESIGNA CONELE MAGA BUSINESS ISNPECTOR PARA AYUDA MIRA Y LLAMA EL ATENCION DEL AQUELIOS QUIEN TA MAN NEGOCIO Y HINDE TA SIGUI CON EL LEI O POLICIA DEL CIUDAD. SI BARREDO YA HABLA TAMBIEN QUE AQUELIOS QUIEN TIENE HOME BASE BUSINESS COMO AQUELIOS MAGA TA VENDE COMIDA DEVE TIENE EL PERMISO DESDE NA SU OPESINA Y NA OPESINA DEL SALUD PORCAUSA COMIDA SILA TA VENDE Y BIEN SENSITIVO PARA NA SALUD DEL DIILA PARROQUIANO. ASEGUN CON BARREDO AQUELIOS MAGA QUIEN TA VENDE COMIDA AMO EL DEVE SACA REQUIRIMIENTO PORCAUSA DIUTAI CAMALI LANG DIILA NA PREPARACION DEL COMIDA MANADA QUIEN SALE AFECTAO Y POSIBLE QUEDA MALO EL SALUD.
Facebook Comments
