Nauso karon sa Ghana ang paghatag ug lingaw sa mga namatayan aron mawala ang sakit nga gibati. Gitawag kini ug dancing pallbearers (Tig Aswat sa Lungon).
Si Benjamin Aidoo, usa ka negosyante ang naka huna-huna ug talagsaong negosyo nga kung diin nagsayaw ug nag exhibition ang tig aswat sa lungon para makahatag ug lingaw sa hingtungdan ilabi na kung dad-on na sa katapusang pahulayanan ang mitaliwan.
Samtang anaa sa abaga sa pallbearers ang lungon kusog mo sayaw ang nagdala nga adunay pa kini choreography ug matching costume. Gani aduna pud sila’y pagabuhaton nga murag mahulog ang lungon sa kalsada.
Daghan ang pamilya nga mo gasto sa nahisgutan nga dancing pallbearers para dili kaayo Masulub-on ang lubong.
Sa pagkakaron moabot na 100 ka mga lalaki ug babae ang ge train para mas mayo pa nga dancing pallbearers sa Ghana.- MARK A. BACROYA
