Sikop sa buy bust operation kagabie ang usa ka tigpayuhot sa ginadiling druga samtang nakasibat ang kauban niini.
Sa interview sa dxCC-RMN, gibutyag ni Police Captain Rodney Gaid ang Station Commander sa Villanueva Municipal Police Station nagpahigayon sila og buy bust operation sa San Martin, Villanueva, Misamis Oriental batok sa target person nga si Erlouie Gambir, 31 anyos, minyo, jobless ug taga Purok 1, San Martin, Villanueva, Misamis Oriental.
Samtang ang kauban niini ang nakasibat atol sa maong operasyon.
Nasayran nga si Gambir maoy mitunol sa druga nga gipalit sa nagpa ilang puseur buyer sa kapulisan.
Sa kasamtangan, dili pa nganlan sa otoridad ang kauban niini nga nakasibat, samtang mikabat sa .2 gramo nga druga ang na recover gikan sa responsable.
Kasong paglapas sa RA 9165 ang ipasaka batok sa dinakpan nga detenado karon sa Villanueva Municipal Police Station.
