Davao City – Nagmalampuson ang wala mailang kawatan sa pagransak sa usa ka tindahan sa may R. Castillo Agdao ning siyudad ug gilimas ang mga paninda nga nagkantidad tanan og P30,000.
Nasayran nga nadiskubrehan na lang sa usa ka Sylvester Hibaya, 35-anyos, ug residente sa Spring Valley, Barangay Buhangin ning dakbayan nga nagkalat na ang mga paninda sulod sa tindahan pagsulod niini alas-10:00 gahapon sa buntag.
Sanglit walay matumbok nga suspek ang ginang mao mipatala na lamang kini sa Presinto Uno aron maimbestigahan ang insidente ug masuta kun asa miagi ang kawatan aron makasulod sa tindahan.
Usa sa subayon usab sa mga otoridad kun aduna bay nakamuntar nga CCTV camera ang nasangpit nga establisemento nga mamahimong magamit sa pag-ila sa kawatan nga milungkab sa maong tindahan.
RadyoMaN Joel Viray
