Top 1 most wanted person sa kasong pagpatay, nadakpan

12
Gibalhog na sa bilangguan ang suspetsadong gikonsiderang Top 1 Most Wanted Person sa lungsod sa Damulog sa kasong pagpatay kon Murder atol sa operasyong gipahigayon sa mga kapulisan adtong milabayng Sabado didto sa Purok-5, Sitio Migcanit, Barangay Migcawayan, Damulog, Bukidnon.

Giila ang suspetsadong nadakpan nga si Benjamin Salmasan, Top 1 Most Wanted Person, 55 anyos, ulitawo ug mulopyo sa naasoy nga lugar.

Gipangunahan sa Damulog Municipal Police Station inubanan sa 1003rd Regional Mobile Force Brigade (RMFB)-10 ug sa Provincial Intelligence Unit (PIU)-Bukidnon sa paghatod og warrant of arrest nga gi-issue ni Hon. Isobel G. Barroso, Presiding Judge sa Regional Trial Court (RTC), 10th Judicial Region, Branch 10, Malaybalay City, Bukidnon pinitsahan Hulyo 26, 2019 nga walay girekomendang piyansa alang sa temporaryong kagawasan.

Facebook Comments