Ibajay, Aklan – Arestado rong top 7 most wanted person sa banwa it Ibajay kahapon.
Nakilaea rong akusado kay Morgan Solidum alyas “Aaron”, 61-anyos ag residente it Poblacion, Ibajay, Aklan.
Gin aresto si Solidum it mga otoridad pinaagi sa bisa kung warrant of arrest nga may Criminal Case # 12763 ag 12764 sa kasong pagbayolar sa Section 5 ag 11 it RA 9165 ukon Comprehensive Dangerous Drug Act of 2002 nga gin issue ag gin permahan ni Hon. Judge Jemena Abelar-Arbis it RTC 6, Branch 1, Kalibo, Aklan nga may petsang Marso 30, 2016.
Nagtaeana rong korte it P 200,000 pesos nga piyansa para sa Sec. 11 sa anang temporaryong kahilwayan pero sa Section 5 hay uwa it gintaeana nga pyansa. Si Solidum hay igaturn-over man sa korteng natungdan.
Nasayuran nga rayang akusado hay nakapaeagyo matapos nga gin raid ro andang baeay bangud sa illegal nga droga.
Nagpanago sa Metro Manila ag naguli iya sa Ibajay bangud sa may masakit ag nasayuran it otoridad rason nga gin aresto.
