Toril PNP: Namatay sa buy-bust nga ex-kapitan, kanhi dinakpan na sa droga

36

Davao City- Giingong nisukol sa mga awtoridad atol sa gikasang buy bust operation sa Toril PNP ang kanhi kapitan sa Barangay Callawa sa may Purok 10, Brgy. Lubogan, Toril, Davao City.

Giila ni Toril PNP station commander Police Major Michael Uyanguren ang suspek nga si Jorge Butiong Tajo , 58 anyos, negosyante ug residente sa Purok Lawaan, Brgy. Callawa, Buhangin Dist., Davao City.


Matud ni Uyanguren, positibong napalitan pa ang suspek sa asset sa kapulisan og gituohang medium size sa pakete sa shabu ug nabayran pa kini gamit ang marked money.

Apan sa dihang nakamatikod ang suspek nga pulis ang iyahang gibaligyaaan, matud ni Uyanguren nagpabuto kini sa iyahang .45 nga armas hinungdan nga nibalos na usab ang mga operatiba.

“Naa naman ni sya’y previous pa ka mga kaso, twice na ni siya nadakpan siya tungod sa violation sa illegal drugs. Bag-o lang namo ni siya namonitor nga diri diay gatambay-tambay sa atong area. Gimonitor siya ug gi-conduct-kan nato siya’g series of test buy unya positive, maong nag-conduct ta og buy bust operation,” sumala ni Uyanguren.

Gidala kini sa Davao Mediquest Hospital Inc., apan didto na usab kini nakabsan sa iyahang kinabuhi alas-12:26 sa kadlawon, Marso 5, 2021.



Narekober sa suspek ang anaa sa 2.2 gramos sa shabu nga adunay DDB Value nga P14,700.00 ug street value P35,200.00.


RadyoMaN Aimee Guinita

Facebook Comments