BJMP XI: PDL nga misugo sa babaeng misulay og palusot og drugs posibleng kasuhan, P800K kantidad sa droga nasakmit

30

Davao City – Kasong paglapas sa RA 9165 ang ipasaka sa Bureau of of Jail Management and Penology kun BJMP XI batok sa babaeng suspek nga nisulay og pasulod sa nagkantidad nga P800K nga droga.

Anaa karon sa kustodiya sa Talomo PNP ang suspek nga si Audrey Millomeda, residente sa Deca Homes, Cabantian, Buhangin District, Davao City.


Sa interbyu sa RMN Davao kang Jail Captain Edo Lobenia, naaresto kini human magduda ang personahe sa Davao City Jail atol sa inspeksyon nga lahi ang porma sa half-cooked nga manok, paghiling sa maong pagkaon didto nasayran ang mga illegal nga droga nga mokantidad sa P800, 000.

“Meron pala siyang boyfriend sa loob ng ating jail facility, nagtangka siyang ipasok iyong mga hinihinalaang iligal na droga at ipinalaman ito sa laman ng manok. Makikita natin ganito sila ka-creative para lang magpuslit ng kontra bando,”

Matud ni Lobenia, nasayran nga nigamit pa kini’g duha ka pekeng ID gamit ang apelyido sa iyahang giduaw nga PDL aron makaduaw kini sa City Jail.

Gibutyag niini gilantaw usab nila nga lakip sa kasuhan ang PDL nga giingong nisugo og palusot sa droga apan kinahanglan pa nila kining ma-establisar sa nagpadayong imbestigasyon.



RadyoMaN Aimee Guinita


Facebook Comments