Naaresto sa kapolisan sa Station 4 Carmen sa pagpangulo ni Police Senior Inspector Mario Mantala uban ang ginsakpan sa COCPO o Cagayan de Oro City Police Office ang duha ka lalake atol sa ilang gipahigayong drug operation.
Suspek nailang sila Risly Maisog, 34 anyos, ulitawo ug si Jomar Ceniza, 22 anyos, ulitawo ug parehong residente sa Zone 6, Gumamela Ext, Carmen ning siyudad.
Sapon sa akto ang duruha samtang nagsuyop sa gitoohang shabu.
Nakuha gikan sa ilang posisyon ang duha ka improvised aluminum foil nga gihimo isip tooter, duha ka transparent cellophane nga dunay sulod sa gitoohang shabu nga mitimbang sa 0.083 grams ug dunay market value nga 500 pesos.
Gikonsidera matud pang high value target sa COCPO ang traffic enforcer nga si Risly Nahial.
Sa karon, nakakustodiya na ang duruha sa selda sa Station 4, Carmen samtang gihan-ay na ang kasong ipasaka batok kanila.
By: Lovelyrose Sambaan
