Ya conduci ayer con un misa el mga tropa del govierno na St. Mary’s Cathedral amediante del ta continua Guerra que ta socede na ciudad de Marawi.
Asegun con el kumandante del Western Mindanao Command Lt. General Carlito Galvez,Jr el misa un significaccion del ta continua Victoria del govierno contra con el mga terorista Maute.
El misa ayer ya conduci el AFP Chaplain Captain Alfredo Era, Jr alas-syete del aga mientras ta continua el ofensiva military areredor.
Asegun con Galvez, mas de siento mga soldao el ya atende con el misa na mensyonao cathedral que ya fuede captura el military del Setyembre 27 desdel mga myembros del Maute que ya ocupa coneste y ya anda destrosa mga santo adentro. *– Bhong Simbajon/RMN News*
Facebook Comments
