Kalibo, Aklan — Ginasueong ni Senator JV Ejercito rong paghimo it sangka tripartite meeting angot sa kontrobersyal nga “doble plaka” law o Motorcycle Crime Prevention Law.
Ginhimo it Senador rong suhestiyon matapos irekomenda ni Pangueong Rodrigo Duterte ro pagposponed sa implementasyon it nasambit nga laye.
Sun okay Ejercito, rong tripartite meeting hay dapat ginabilog it gobyerno ag pagapangunahan it Land Transportation Office (LTO), motorcycle community ag mga lider nga anti-crime civil society groups.
Gintaw-an it igtaeopangud ni Ejercito nga dapat mag istorya rong mga lider,gobyerno ag mga people’s movement against criminality para mabuligan kung paalin mapanami ag magiging madinaeag-on rong laye ngara.
Manami para kay Ejercito rong tuyo it laye pero kinahanggean man nga pamatian rong pagpamaeabag it mga rider sa pagbutang it metal nga plaka sa atubang it motorsiklo dahil posible raya nga maka disgrasya kamana man rong mataas nga multa nga P 50,000 pesos hasta P 100,000 pesos.
