Davao City – Subay sa balaud trapiko hugot ginadid-an makabiye sa mga nasudnong kadalanan ang mga trisibot ug traysikad tungod piligro kini alang kanila gumikan sa kadagko ug kakusog managan sa mga sakyanan.
Pabor ang Inter-Agency Council for Traffic diha sa pagdili sa mga trisikad ug sa trisibot nga makabiyahe sa mga highways gumikan sa peligro nga dad-on sa kinabuhi sa driver ug sa mga pasahero niini.
Matud ni I-ACT Deputy Director Elmer Organo nga ang national highways gitagana alang lang sa dagkong sakyanan ug sukad pa kaniadto supak na sila nga magbiyahe sa highway ang traysibot ug ang traysikad.
Apan gi-uyonan ni Organo ang pagbutang og CTTMO number, color coding, o dili ba kaha stickers diha mga trisikad ug mga trisibot aron mahapsay na ang ilang mga pagbiyahe.
Sa tan-aw ni Organo, dakung tabang sa imbestigayon sa mga awtoridad ang color coding, body number ug stickers sa pag-ila sa mga drivers sa maong panakayan nga makadisgrasya ug unya musibat.
Samtang walay nakitang dautan ang deputy director sa pag-instalar og metrohan sa trisibot ug trisikad sanglit proteksiyon kini sa mga pasahero apan magkinahanglan lang og balaud gikan sa local government.
RadyoMaN Joel Viray
