Malampusong naaresto ang tulo ka mga suspetsado niadtong adlawng Sabado samtang kini nagpahigayon ug pot session niadtong Sabado sa may Purok Emmanuel Brgy. Tubod, ning syudad sa Iligan.
Maoy nasikop ang target person nga si DONALD LARAY y VILLAFLOR, 36 anyos single, usa ka pintor, ug residente sa Purok Emmanuel Brgy. Tubod, kinsa anaa sa DI Watch List. Naaresto usab ang usa ka VICENTE VILLAFLOR y TOROSIO, 40 anyos, single, usa ka gihapon ka pintor ug molupyo sa susamang dapit, ingon man ang usa k GENESIS BACOR y PITOGO, 29 anyos, single, usa gihapon ka pintor ug residente sa Riverside Brgy, Tubod, Iligan City.
Nakuha gikan sa mga suspetsado ang tulo ka mga gagmayng sachet sa gituohang “SHABU” nga adunay estimated street value nga P1,500 pesos, drug paraphernalia, ug ang buy bust money.
Ang tulo ka mga suspek ang temporaryong gidetained sa police station 4.
