Nadala sa Northern Mindanao Medical Center kon NMMC ang upat ka samaran sa panagbangga sa usa ka tricab ug toyota innova sa Barangay Iponan ning syudad pasado alas dose kagahapon sa kadlawon.
Matud ni Police Staff Sergeant Dennis Calampangan- ang imbestigador sa Bulua Police Station nga ni left turn padulong sentrong bahin sa Iponan ang tricab nga adunay sakay nga tulo ka pasahero dihang nabanggaan kini sa toyota nga gikan sa Iponan.
Human mabanggaan, natuyok ug nayabo ang tricab nga maoy hinungdan sa pagka angol sa mga sakay niini samtang ang toyota ang nahulog sa drainage sa area.
Hinoon luwas sa peligrong kahimtang ang drayber sa toyota nga si Jayve Jamias, 27 anyos, taga Balingasag, Misamis Oriental kinsa anaa karon sa kostudiya sa Police Station 7 Bulua.
Samtang kritikal ang kahimtang sa usa sa tulo ka mga sakay sa tricab kaganinang kadlawon.
Matud ni Police Staff Sergeant Calampangan nga naila ang biktima nga si Arlene Fuentes, 55 anyos, taga Barangay Iponan ning syudad.
Luwas usab sa peligrong kahimtang ang uban pa nga sakay sa tricab nga mao silang Pauleen Maagad, 67 anyos, Alma Fuentes, 55 anyos, ug ang drayber sa traycab nga si Diolindo Olitendo.
Dugang pa ni Staff Sergeant Calampangan, sa karon padayon pa ang imbestigasyon sa hitabo ug usa sa tutukan niini kung adunay over speeding nga nahitabo atol sa aksidente ilabi na nga wala makainum ang drayber sa toyota.
