UPDATE: Barangay Council sang Duran, nahisugtan nga ibalik ang assistance sang mga persona nga indi kwalipikado apang nalakip sa nahatagan sang SAP assistance!

130

Dumalag, Capiz- Ginsabat ni Punong Barangay Victorio Faduga sang Brgy Duran, Dumalag, Capiz ang akusasyon sang iregularidad sa tagtaganay sang SAP assistance sa iya barangay. Madumdoman nga ginareklamo sang mga concerned citizen ang pagpasulod sa listahan sa mga persona nga mga single ukon wala sang asawa ukon bana. Suno sa punong barangay, ulihi sini nahibaluan nga may yara sang indi kwalipikado nga nalakip sa listahan. Iya nga ginpunto nga ang mga katapo sang BHW sini amu ang nag-validate kag nagpatigayon sang screening sa mga benepisaryo. Bangud sa kadamuon sang numero sang benepisaryo nga masobra 500 ka bilog, aminado si Faduga nga wala nila matsekyar ang iban nga datos. Rason naman sang mga ini nga ang nasambitan nga mga persona amo ang ginpatindog kabaylo sa mga lolo/lola bangud indi na makalakat; gininkanan nga yara sa iban nga lugar bangud naabtan sang lockdown. Samtang ang iban naman nga nakakuha ang anak ukon himata sang BHW. May kaangot sini, inpasalig naman ni Punong Barangay Faduga nga matapos nga makig-angut sa MSWDO sang Dumalag, igaproseso nila ang pagbawi sang cash assistance sa mga nakakuha nga persona nga indi sang kwalipikado.

Facebook Comments