UPDATE | Mga persona nga sakay sa motorsiklo nga nakaaway sang isa ka negosyante sa Graceville Subdivision, Barangay Tiza Roxas City, nakilala na!

24

Roxas City, Capiz – Nakilala na ang duha ka persona nga imbolbado sa komosyon sa Graceville Subdivision, Barangay Tiza, Roxas City pasado las 8 sang gab-i.
Nagpadulong sa Roxas City PNP ang 21-anyos nga si Iris Desales sang Barangay Balighut, Maayon, Capiz, backrider sang motorsiklo nga ginamaneho ni Christian Butalon agud nga i-presentar ang ila bahin.
Suno kay Desales, halin ang mga ini sa banwa sang Sigma bangud may ginbisitahan nga lote antes nagpadulong sa Barangay Calapawan, Panay, Capiz.
Pasado alas 8 sang gab-i sang gamayan lang ang mga ini nabungguan sang salakyan ni Dexter Bulan sa Poblacion, Panay kabangdanan nga ila ginkomprontar apang sa baylo, nagpalagyo ang amo nga persona tubtob nga nag-abtanay ang mga ini sa Graceville Subdivision Barangay Tiza.
Suno kay Desales, wala pa sila makapanaug sa motorsiklo, nakabati ang mga ini sang lupok sang pusil gikan sa kampo nanday Bulan.
Ini ang ginsundan sang pag-inagaway sang pusil.
Samtang yara na subong sa kostudiya sang Roxas City PNP ang Nmax motorcycle nga ginasakyan nanday Desales kag Butalon.

Facebook Comments