MarawiCity- Gibuksan na alang sa mga residenteng Maranao ang usa sa dakung mosque, nga gikonsiderang Grand Mosque, sa cleared area sa Marawi City.
Kini human gisarado og halos usa ka tuig dihangmibusikad ang giyera sa Marawi niadtong nakalabay’ng tuig.
Matud pa sa militar, delikado alang sa mga sibilyan ang mosulod sa nasangpit nga lugar tungod kay duol lamang kini sa kanhi main battle area o ground zero.
Matud pa sa residenteng si Langkap Mangata, malipayon siya nga hingpit na kining gibuksan aron makasimba na usab sila sa maong mosque sa Barangay Saduc Proper.
Mahinungdanon, matud pa, ang maong mosque alang kanila tungod kay mao man kini ang nagsilbing lugar kung asa sila magkatapok nga pamilya matag Biyernes aron mosimba.
Sa pagkakaaron, ang mga mosque nalang sa ground zero ang nagpabilin nga sarado tungod sa pagkagubaniini tungod sa lima ka bulan nga giyera tali sapuwersa sa gobyerno ug sa Daesh- inspired Maute group sa Marawi City.
Miingon ang probinsiyal nga kagamhanan sa Lanao del Sur nga bukas sila’ng modawat og tabang gikansa mga Muslim countries aron mapatukod ang mgabag-ong mosque.
Priyoridad nila nga matukod ang mosque sa Islamic Center ug ang usa pa ka dakung mosque nga gitawag og Bato Mosque.(Divina M. Suson)
