Usa ka investment scheme gireklamo kay walay pay-out

38

Gumikan sa napakyas nga paglaum sa FOREX maong nagpatala sa Butuan City Police Station 1 ang usa ka 40 anyos nga reklamante.
Misumbong sa kwerpo sa kapulisan si Noel Aniñon Laput, 40 anyos, ulitawo ug residenti sa Purok 5, Brgy. San Ignacio ning syudad sa Butuan sanglit wala matuman ang matag semana nga pay-out sa iyang investment sa Forex.
Saysay ni Laput nga niadtong Hunyo 8, 2018 iyang gi-invest ang 3,000 pesos ngadto sa nagpailang agent sa Forex nga si Rita Obal, hingkod ang edad ug residenti sa Purok 2, Brgy. Buhangin ning syudad sa Butuan.
Nagkasabot silang duha nga magkita duol sa DyTeban Hardware ug didto niya gitunol ang kwarta sa pagtoo nga matuman ang saad nga 400% nga pay-out sa matag semana apan hangtud karon walay return of investment (ROI) nga iyang nadawat.
Gumikan niini nagpatala ang biktima sa kwerpo sa kapulisan apan wala pa matinu kung mopasaka ba kini ug kaso batok sa gireklamong ahenti sa Forex. [image: investment scam.jpeg]

Facebook Comments

From Advertisers