Tangalan, Aklan — Dead on the spot rong sangka utility it Panayakan National High School matapos nga barilon ag makaangkon it multiple gunshot wounds kabii sa Brgy. Panayakan, Tangalan.
Nakilaea rong biktima kay Vicente Timni Jr., sa legal nga edad ag residente it nasambit nga lugar.
Suno kay SPO3 Rene Miguel it Tangalan MPS nga kabii hay nakabaton sanda it tawag nga may natabong pagpamaril sa lugar ag eagi man nga nag responde ro grupo sa pagpanguna ni SPO4 Manuel Estrada.
Pag-abot sa lugar nakita nanda nga nagahamyangon ro bangkay ag uwa eon it kabuhi, gin kordon ro crime scene ag gintawgan it SOCO.
Samtang naga hueat it SOCO may sangka Barangay Tanod nga nakilaea kay Ermy Pastrana y Timi, sa legal nga edad ag first cousin it biktima rong naga pamilit nga mag sueod sa crime scene bisan nga naka kordon eon raya ag ginbawaean it mga pulis pero uwa raya mag pati.
Si Pastrana hay gin-aresto it mga kapulisan bangud sa obstraction, gindaea sa Tangalan MPS ag gin body search, nabuoe kana rong sangka brown sling bag, may suoed nga 357 revolver, 19 ka mga live ammos, 2 ka ID it BPAT ag ID it Citizen’s Crime Anti Graft Movement. Ro nasambit nga baril hay uwa eon it sueod nga bala rason nga imaw ra gin detained.
Pag-abot is SOCO nakita ag narecover sa crime scene ro 5 ka mga nakaeopok eon nga basyo it 357 ag sambilog nga uwa pa naka eopok maeapit sa bangkay.
Nakitaan man it 3 ka tama sa ueo, ag 2 sa kilid rong biktima.
Ro bangkay hay subject for autopsy pa ag rong baril hay subject for ballistic examination samtang rong suspek hay subject for paraffin test.
Padayon pa makaron rong imbestigasyon it Tangalan PNP.
