Kalibo, Aklan — Kulong makaron sa lock up cell it Kalibo MPS rong sangka eaeaki matapos nga madakpan it baril kabii sa Poblacion, Kalibo, Aklan.
Ro suspek nakilala kay John Reynold Reyes y Javier, 26-anyos ag residente it Brgy. Estancia, Kalibo.
Sa blotter report it Kalibo PNP nga kabii hay nakabaton sanda it tawag nga may una nga nakitang sangka eaeaki sa may corner it Rizal St., ag M. Laserna St., nga may daeang baril.
Insigida nga nagresponde rong mga katapo it Kalibo MPS ag anda naabotan ro nasambit nga suspek sa may corner it M. Laserna St., ag Pastrana St., nga hana eon kunta nga magsakay sa anang motorsiklo.
Gindaea sa Kalibo PNP si Javier ag narecover kana kara rong sangka 380 revolver, black widow nga loaded it 5 ka live ammunitions ag 4 ka mga cartridge cases.
Ro nasambit nga armas hay gin turn-over sa Aklan Provincial Crime Laboratory para sa ballistic examination ag gun powder residue samtang si Javier hay magapangatubang man it kasong pagbayolar sa R.A. 10591.
