Davao City – Na-contain matud pa ang kaso sa coronavirus sa Davao City.
Sa interbyu sa RMN Davao kang Department of Health Undersecretary Leopoldo Vega, bisan pa man na-contain dili gayod magkumpyansa ug dili luagan sa katawhan ang ilahang proteksyon batok sa COVID-19.
Segun ni Vega nga ang kinahanglang himuon ilabina na padayon ang ginahimong pagbalanse sa sa ekonomikanhon ug panlawas nga aspeto, angay pakusgan ang testing ug prevention pinaagi sa pagsunod sa mga minimum health standards.
“Okay so far contain man ang sa Davao unya giablihan ang ekonomiya pero ang kinahanglan man gud ana mag-testing, prevention, naa gyod kay mask kung maglakaw-lakaw,” tataw ni Vega.
Sumala ni Vega nga dapat pahugtan ang implemetasyon sa zoning containment strategy o localized lockdown sa mga na-identipaka nga adunay mga kaso sa COVID-19 sulod sa 14 diyas.
RadyoMaN Aimee Guinita
