DCPO: Dili awtorisadong riders dakpon

Davao City – Gitataw sa Davao City Police Office (DCPO) nga magpadayon sila sa pagpanakop ngadto sa mga riders nga musupak sa gipatumang mando sa National Inter-Agency Task Force for COVID-19 diha sa motorcycle backriding.

Matud kang DCPO City Director Police Col. Kirby John Kraft atol sa pakighinabi sa DXDC RMN Davao, sa approved guidelines sa NTF, mga riders lang nga nagpuyo sa usa ka balay ang gitugotang walay barrier sa mga motor ug kinahanglan Authorized Person Outside of Residences (APOR) usab ang backrider.

“Susundin po natin kung ano po ang utos ng National Task Force. Ang i-allow lang po natin iyon lang pong mag-asawa. No need for motorcycle barrier basta ang point lang po doon dapat nakatira sila sa iisang bahay. Pangalawa iyong backrider must be an Authorized Person Outside of Residence,” segun ni Kraft.


Sa National Task Force (NTF) order, ang driver pwede kining APOR o dili.

Giklaro sa NTF, kung ang mga riders wala nagpuyo sa usa ka panimalay, kinahanglan aduna kini barrier.

Hugot usab nga gipasidaan ni Kraft nga kinahanglan ang motor nga gamiton privately owned ug dili pampasaheroan ug ang mga drivers ug angkas niini nakasul-ob og full-faced helmets ug naka-face masks.

RadyoMaN Aimee Guinita

Facebook Comments