BACOLOD CITY – Pinaagi sa iya Facebook account, ginpahayag sang negosyante nga si Vladimir Gonzales nga indi na siya magpapili sa ano man nga posisyon sa ciudad sang Bacolod sa palaabuton nga 2019 midterm election.
Sining karon lang, nagpost si Gonzales sa iya FB nga: “After praying hard for God’s guidance, I’m setting aside politics for now.”
Damlag pa, gina-istoryahan ang ginasiling pagpapili ni Gonzales bilang mayor sang ciudad sang Bacolod sa idalom sang MKK.
Sa iya post sa Facebook, ginsilining pa gid ni Gonzales nga ang iya vision para sa Bacolod ang magapadayon.
Para sa anay mayoralty candidate, ang pagdihon sang bag-o nga mga trabaho ang pamaagi agud mahagan hagan ang kapigaduhon kaangay sang prinsipyo nga: “providing them a fishing rod instead of a fish.”
Una na nga nagguwa ang pangalan ni Vladimir nga magabunggo kay Mayor Leonardia sa pagka-alkalde matapos nga nag-withdraw sang iya political plan si Councilor Ricardo Cano Tan./dyHB BACOLOD
