6:00 AM 5JUNE18
Basi sa Weather Forecast sa PAGASA ganihang 4:00 sa buntag, walay bagyo sulod sa Philippine Area of Responsibility (PAR). Ang gibantayang Low Pressure Area (LPA), SULOD sa PAR, nga anaa sulod sa Intertropical Convergence Zone (ITCZ) adunay gilay-ong 795 km Sidlakang (East) bahin sa Surigao City, Surigao del Norte, ganihang 3:00 sa buntag. Kini posibling mahimong Bagyo (Tropical Depression) sulod sa 24 oras ug paganganlang Bagyong “DOMENG” apan GAMAY ang tsansa nga mo-landfall sa nasud.
Ang Northern Mindanao apektado sa Low Pressure Area (LPA) ug tungod niini maka-sinati sa madag-umon nga kalangitan inubanan sa kasarangan (moderate) ngadto sa panalagsang kusog (heavy) nga pag ulan.
Kasarangan (moderate) ngadto sa panalagsang kusog (strong) nga hangin gikan sa Amihanang-kasadpan (Northwest) ngadto sa Kasadpan (West) maoy mo-resulta sa 1.2 – 2.8 meters nga balud sa kadagatan sa Northern Mindanao.
Hinay (light) ngadto sa kasarangan (moderate) nga pag ulan ang nasinati sa CDO.
Nagpabiling nakasinati sa hinay (light) nga pag ulan ang Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Madag-umon ngadto sa hinay (light) nga pag ulan ang nasinati sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
CDRRMD pabilin sa pag monitor.
