General Santos City–walay intension nga patyon sa gwardyang si Jibrel Alayden, gwardya sa usa ka banana plantation sa may Alabel, Sarangani Province ang harvester nga si Bernie Carillo, 25 nga taga Domolok, Alabel Sarangani Province. kini ang migula sa imbistigasyon sa Alabel Municipal Police Station kalabutan sa maong kaso.
Sumala ni Police Sr. Inspector Benjie Ancheta, hepe sa Alabel PNP nga aksidenti lang gyud nga kalablit sa suspek ang iyang 12 shotgun nga maoy nakaigo sa biktima hinungdan sa iyang kamatayon.
Nasayran nga iturn-over na unta sa suspek ang iyang duty ngadto sa iyang kaubanan dihang nahitabo ang insidenti. dugang pagbutyag ni PSI Ancheta nga base sa pahayag sa suspek wala niya makit-an ang biktima.
Wala sab kini magdahum nga duna pay bala ang iyang shotgun tungod iya nang nakuha ang duha ka mga bala niini. Nasayran nga hingpit nang napasakaan ug kasong reckless imprudence resulting to homicide ang suspek human nga aksidenti niyang napatay ang biktima.
