Napulo ka oras nga walay agas sa gripo ang masinate sa pipila ka lugar sa Cagayan de Oro ug Misamis Oriental.
Kini ang gipahibalo sa Management sa Cagayan de Oro Water District o C-O-W-D.
Sugdan kini unyang alas otso sa gabie hangtud ugma sa alas sais sa buntag, Dominggo.
Lakip sa mga lugar nga maapektuhan sa kawalay tubig mao ang Barangay Lumbia Masterson Avenue, Upper Carmen, Pagatpat, Canitoan, Patag, Iponan, Bulua, ngadto sa Opol, Misamis Oriental.
Matud ni Ladelle Sagrado ang Spokesperson sa C-O-W-D nga lakip sa mga lugar nga hinay ang pressure sa tubig ang mga lugar sa Lower Carmen, Kauswagan, Bonbon ug Bayabas area.
Gi-aghat ni Sagrado ang mga residente sa nasangpit nga mga barangay, nga magtigom na da-an karon og tubig.
Kini aron dunay ilang magamit nga tubig sulod sa napulo ka oras nga water interruption sa C-O-W-D.
Matud ni Sagrado, nga ang water interruption sa C-O-W-D resulta sa Advisory sa Cagayan de Oro Bulk Water Inc. kon COBI.
Matud ni Sagrado, nga ang COBI, nag- schedule nga mag-install sa ilang upat ka Isolation valve, nga ma-oy agi-an sa tubig gikan sa Bubunawan River ngadto sa ilang water treatment Plant sa Barangay Pualas, Baungon, Bukidnon.
