Dumangas, Iloilo- Handa gid si alyas Toto nga batunon ang asawa apisar may bata na ini sa iya 23 anyos nga kerido.
Suno kay Toto nga antes naghikog ang iya 35 anyos nga asawa, makapila ka beses pa niya ini ginsugat sa balay sang kerido sa Bolilao, Mandurriao kag ginhimo ang tanan agud liwat nga makay-o ang ila relasyon para sa ila mga kabataan.
Apisar sini, ginpahayag ni Toto nga wala siya ginasapak sang asawa kag ginapasuripan lang sang mata bangud ang paminsaron sang asawa yara sa iya kerido.
Sa karon, yara sa paghinakop ni alyas Toto ang apat nila ka mga kabataan pati na ang 6 ka bulan nga anak sang asawa sa iya kerido.
Ginahikot naman sang pamilya ang pagpalubong sa asawa ni alyas Toto.
Madumduman nga nagpanginmatay ang asawa ni alyas Toto sa Brgy. Sulangan, Dumangas sang gintuyo pabulagon sang pamilya sa iya kerido kag pabalikon sa iya bana.
