Dipolog City, Zn – Malampusong nadakpan ang suspetsadong may kasong lugos sa dakbayan sa dipolog sa gihimong manhunt operasyon sa intelligence operatives sa dipolog city police station didto sa barangay moyo, lungsod sa siayan, lalawigan sa zamboanga del norte.
Ang operasyon gipangunahan ni PSI Alexis Bahunsua uban sa koordinasyon sa Siayan PNP sa pagpangulo ni PSI Dominador Dalion kon diin malampuson nadakpan ang suspek nga giila si Albino Sacares Bacus, alias Ging Ging Bacus, 49 anyos, nga taga Bolicon, barangay turno sakop sa dakbayan sa dipolog.
Alas 7:37 ang takna sa buntag Kagahapon, dihang gihimo ang operasyon batok sa suspek pinasikad sa warrant of Arrest sa kaso nga rape/sexual abuse in relation to RA 7610 ubos crime case number 21739 nga giluwatan ni Hon. Rogelio D. Laquihon Presiding Judge sa RTC Branch 7 bulwagan ng katarungan.
Buluntaryo hinuon nga miuban ang suspetsado sa otoridad human nasayran nang daan niini nga siya adunay kasong giatubang sa dipolog.
Sa karon mando nalang sa korte ang gihuwat sa Dipolog PNP aron mabalhin na ang nahisgutan sa dipolog city jail apan mamahimo kining temporaryong makagawas sa presohan higayon nga siya makapyansa ug P120 mil.
