Weather Update 4AM! Duha ka LPA, gibantayan!

24
PC: CDRRMD

4:25 AM 7AUG18

 

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay gibantayang duha ka Low Pressure Area (LPA) sulod sa Philippine Area of Responsibility (PAR) nga anaa sa gilay-ong 1,245 km Sidlakan (East) nga bahin sa Aparri, Cagayan ug 550 km Kasadpan (West) nga bahin sa Subic, Zambales ganihang 3:00 sa buntag.

 

Ang Northern Mindanao dili direktang apektado sa duha ka LPA apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan tungod sa Southwest Monsoon (HABAGAT).

 

Kasarangan (moderate) nga hangin gikan sa Habagat (South) ngadto sa Habagatang kasadpan (Southwest) maoy mo-resulta sa 1.2 – 2.4 meters nga balud sa kadagatan sa Northern Mindanao.

 

Walay natala nga pag ulan sa CDO karong orasa.

 

Mapanganuron sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo).

 

Mapanganuron usab sa Baungon karong orasa. (Kining mga lugara ang makapasaka sa tubig sa suba sa Cagayan).

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments