4:55 AM 03JUNE2020
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay gibantayang Low Pressure Area (LPA) sulod sa Philippine Area of Responsibility (PAR). Kini anaa na sa gilay-ong 610 km Sidlakan Amihanang-sidlakan (East Northeast) nga bahin sa Casiguran, Aurora. Ang LPA gamay ang tsansa nga mahimong bagyo ug posibling malusaw sulod sa 36 ka oras.
Ang tibuok Mindanao nagpabiling apektado sa Intertropical Convergence Zone (ITCZ) ug tungod niini maka-sinati sa panalagsang pagdag-um ngadto sa madag-umon nga kalangitan inubanan sa katag-katag nga pag ulan o pagpanalugdog. Samtang ang LPA walay direktang epekto sa nasud.
Ang ITCZ mao ang pagtabo sa hangin gikan sa Northern ug Southern Hemispheres duol sa equator. Kini nga pagtabo mo-resulta sa mga baga nga panganod nga gadala ug pag ulan.
Hinay (light) ngadto sa kasarangan (moderate) nga hangin gikan Habagatang-sidlakan (Southeast) ngadto sa Sidlakan (East) nga maoy mo-resulta sa hangtud 1.2 meters nga balud sa kadagatan sa tibuok Mindanao.
Nagpabiling mapanganuron ang Cagayan de Oro karong orasa.
Nagpabiling mapanganuron sa Libona; Mampayag, Dahilayan ug Lindaban, Manolo Fortich.(Kining mga lugara mao ang tinubdan sa tubig nga makapabaha sa Lapasan paingon sa Bugo).
Nagpabiling mapanganuron usab sa Talakag ug Baungon.(Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
