4:40 AM 04JUNE2020
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan ang gibantayang Low Pressure Area (LPA) sulod sa Philippine Area of Responsibility (PAR) anaa na sa gilay-ong 510 km Sidlakan (East) nga bahin sa Basco, Batanes. Ang tibuok Mindanao nagpabiling apektado sa Easterlies ug tungod niini maka-sinati sa panalagsang pagdag-um ngadto sa madag-umon nga kalangitan inubanan sa pat-ak pat-ak nga pag ulan o pagdalugdog. Ang LPA gamay ang tsansa nga mahimong bagyo ug posibling malusaw sa sunod nga oras.
Ang Easterlies mao ang init nga hangin nga naga-gikan sa Pacific Ocean nga gadala ug panganud nga posibling makapa-ulan sa mga lugar nga apektado niini.
Hinay (light) ngadto sa kasarangan (moderate) nga hangin gikan Sidlakan (East) ngadto sa Habagatang-sidlakan(Southeast) nga maoy mo-resulta sa hangtud 1.2 meters nga balud sa kadagatan sa tibuok Mindanao.
Mapanganuron ang Cagayan de Oro karong orasa.
Mapanganuron sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Mapanganuron usab sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
