6:25 AM 13SEP18
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang gibantayang Bagyo (TYPHOON) “OMPONG” nga anaa SULOD sa Philippine Area of Responsibility (PAR).
Ang sentro sa Bagyong “OMPONG” adunay gilay-ong 875 km Sidlakan (East) nga bahin sa Virac, Catanduanes; kakusgong 205 kph; ug paglihok nga 30 kph Kasadpan (West) ganihang 3:00 sa buntag.
Ang Bagyong “OMPONG” gilauman nga mag landfall sa Northern tip sa Cagayan karong Sabado sa buntag (September 15).
Ang Northern Mindanao apektado sa Trough sa TY “OMPONG” ug Habagat (Southwest Monsoon) ug tungod niini maka-sinati sa madag-umon nga kalangitan inubanan sa katag-katag nga pag ulan.
Madag-umon ngadto sa hinay (light) nga pag ulan ang nasinati sa ubang parti sa CDO karong orasa.
Nagpabiling madag-umon sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Nagpabiling madag-umon usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
