Lalaki nga nagbaklay gipusil, Patay!

26

Leon B Postigo, ZDN -Dead on arrival ang usa ka biktima sa ospital human kini gipusil didto sa brgy. Tinuyop, Leon B Postigo, ZDN niadtong miaging adlaw Setyembre 11, 2018 mga 8:00PM.

Ang biktima mao si Beinvenido Fabilar alyas Toto taga sitio Casong, Brgy. Tinuyop, sakop sa maong lungsod. Nakaangkon kini ug samad pinusilan sa iyang tiyan ug sa likod nga bahin sa iyang lawas mao’y hinungdan saw ala damha niyang kamatayon.

Sa pakigsusi sa kapulisan sa maong lungsod nasayran nga niadtong higayona nagsaulog sa anibersaryo ang brgy. Tinuyop nga kung diin daghan nga mga aktibidad ang naka han-ay.

Matod pa sa usa mga brgy. Opisyal ang biktima nagbaklay kini padulong sa panimalay sa iyang igsuon sa dihang nakurat na lamang sila human naka dungog sa masipang buto sa armas ug sa ilang pagsusi, nagbuy-od na ang biktima ug naligo sa iyang kaugalingong dugo.

Dugang nasayran nga ang biktima usa kini ka rebelde ug mibalik na sa sabakan sa gobyerno niadtong pang tuig 2000. Karon padayon pa ang gihimong makuti nga imbistigasyon sa kapulisan kun unsa gayud ang motibo sa pagpusil patay sa biktima o may kalabutan ba kaha kini sa iyang pag biya isip myembro sa rebelde.

Facebook Comments