5:35 AM 01NOV2019
Gipahibalo sa City Disaster Risk Reduction and Management Department o CDRRMD nga basi sa sa Weather Forecast sa PAGASA ganihang 4:00 sa buntag, walay bagyo apan adunay gibantayang Low Pressure Area (LPA) sulod sa Philippine Area of Responsibility (PAR). Kini anaa sa gilay-ong 240 km Sidlakan (East) nga bahin sa Hinatuan, Surigao del Sur ganihang 3:00 sa buntag.
Ang Northern Mindanao nagpabiling apektado sa LPA ug tungod niini maka-sinati sa mapanganuron nga kalangitan inubanan sa katag-katag nga pag ulan, kilat ug pagpanalugdog. Samtang ang Amihan (Northeast Monsoon) dili direktang maka-apekto sa Mindanao.
Hinay (light) ngadto sa kasarangan (moderate) nga hangin gikan sa Amihanang-sidlakan (Northeast) ngadto sa Amihanang-kasadpan (Northwest) maoy mo-resulta sa 0.6 – 2.1 meters nga balud sa kadagatan sa tibouk Mindanao.
Nagpabiling mapanganuron ang Cagayan de Oro karong orasa.
Mapanganuron sa Libona; Mampayag, Dahilayan ug Lindaban, Manolo Fortich. (Kining mga lugara maao ang tinubdan sa tubig nga makapabaha sa Lapasan paingon sa Bugo).
Mapanganuron usab sa Talakag ug Baungon. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
